香港熱香餅漢堡｜荃灣旺角灣仔$15推介＋屯門豬柳蛋班戟包＋荔枝角三層漢堡
香港熱香餅漢堡｜1. 荃灣泰興餅店$15熱香餅包！門市人龍不斷
提到香港熱香餅漢堡推介，近日荃灣就有一間人龍店大受歡迎！荃灣老餅店「泰興餅店」推出了自家製熱香餅漢堡，每日新鮮出爐，售價為$15/個，價錢親民。泰興新出熱香餅包的消息隨即於關注組瘋傳，不少網民都慕名而至排隊爆買，可見門市人龍超誇張，甚至要等足一個鐘！由於反應熱烈，店舖限定每人只可購買2個，大家要留意啦！
- 餐廳：泰興餅店（荃灣福來邨店）
- 地址：荃灣海壩街50號滿樂大廈地下3號舖
- 營業時間：星期一至日 5:45am-8pm
香港熱香餅漢堡｜2. 荔枝角Coffee Question 三層熱香餅煙肉漢堡
荔枝角Coffee Question除了有好飲咖啡外，「三層熱香餅煙肉漢堡」亦是大熱產品！三層熱香餅漢堡有齊太陽蛋、漢堡扒及煙肉，賣相吸引，一切開蛋汁即流出，再淋上糖漿超邪惡。另外可以加錢轉黑松露炒蛋、薯寶等升級滋味。
- 餐廳：Coffee Question
- 地址：荔枝角長沙灣道680號麗新商業中心地下G61號舖
- 營業時間：星期一至五 8am-6pm、星期六至日 9am-6pm
香港熱香餅漢堡｜3. 屯門City‘n Friends 新商場NOVO WALK小店
屯門全新商場NOVO WALK於5月正式開幕，多間小店進駐開幕，其中「City‘n Friends」原來有賣熱香餅漢堡，不少街坊食過都大讚！班戟包共分4款口味，包括「豬柳蛋芝士」、「雙層豬柳蛋芝士」、「煙三文魚芝士炒蛋」及「黑松露炒蛋」，每款都配有粒粒薯寶，$68起食到！
- 餐廳：City‘n Friends
- 地址：屯門欣寶路8號NOVO WALK地下8號舖
香港熱香餅漢堡｜4. 連鎖店Jollibee 早餐、下午茶都食到
連鎖店Jollibee其實亦有賣班戟三文治！煙肉蛋班戟三文治早餐有售，由兩層鬆軟楓糖班戟夾著香脆煙肉、雞蛋、濃郁車打芝士，香甜又惹味。近日更推出了新口味火腿蛋班戟三文治，即叫即造，口感更豐富，熱辣辣食超鬆軟香口！（下午茶只限指定分店及平日供應，週末及公眾假期除外）
- 餐廳：Jollibee
- 分店地址：按此
香港熱香餅漢堡｜5.新墟咖啡 Pancake豬柳強買一送一！供應至5月尾
屯門大熱小店「新墟咖啡」嘅「Pancake豬柳強」一向都係該區名物！佢地自年初起供應3款唔同嘅熱香餅漢堡，分別係「神還原芝士豬柳強」、「香辣炸雞牛油果」同「脆脆煙肉芝士太陽蛋」，至5月尾停售，最近大熱回歸，更增添了兩款新口味：牛油果芝士太陽蛋和原條魚柳Bell！對比起日本嘅版本，店主更偏向迎合香港人口味，如把熱香餅烘至外脆內軟，又特意煎燶雞蛋邊，真係好有心。
- 餐廳：新墟咖啡
- 地址：屯門新墟村2台33號地下
- 營業時間：10am – 6pm（逢星期一休息）
香港熱香餅漢堡｜6.紅豆烘焙推$15熱香餅漢堡包
熱香餅漢堡於麵包界話題不斷，香港亦有cafe及麵包店乘勢推出，其中本地麵包店紅豆烘焙亦於6月宣佈推出香煎漢堡熱香餅，當中灣仔店率先開賣，每日分3個時段新鮮出爐，分別為早上8時、中午12時及下午3時30分！旺角店也跟接著開賣，每日中午12時及下午4時出爐，同樣賣$15，記者早前路過旺角店，晚上時份都尚有10多個現貨，想食都可去買～
香港熱香餅漢堡｜7.PAN de PAINPancake & Sweets
人氣Pancake店PAN de PAIN Pancake & Sweets以日式梳乎厘班戟店為招牌作，店內也有特製Pancake款式，用兩片Pancake加上芝士片和漢堡排，多軟鬆軟，Burger新食法！
- 餐廳：PAN de PAIN Pancake & Sweets
- FB按此
香港熱香餅漢堡｜8.犀牛犀牛三款全新口味
人氣台灣三文治店犀牛犀牛都加入熱香餅漢堡熱潮，仲一次過推出三款不同口味，分別有芝士蛋堡、豬柳蛋堡和芋泥肉鬆蛋堡。其中芋泥肉鬆蛋堡坊間比較少見，綿滑香濃的芋泥餡加埋鹹鹹甜甜的肉鬆，好有台式風味！三款口味於全線分店陸續推出，於下午茶時段供應，如果like & share官方post，仲送多杯茶飲，大家快啲去試吓啦！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
